التسجيل
أحدث الصور
السلام عليكم ورحمة الله وبركاته اليوم يايبتلكم طريقة عس كريم قصدي ايس كريم بالبسكوت
أنا مسوتنه بيدي
المكونــــــــات:
1- كيس بسكويت سادة أنا أفضل بسكوت نبيل و إنتو اللي يعيبكم حطوه
2- 2علبة قشطة
3- ظرفين من دريم ويب ( بودرة)
4-علبة كريم كراميل ( البودرة فقط)
5- همباه (مانجو) وحده أحسن لكم خذو مال باكستان ولا الهند حلو ما فيه حموضه شرات همبا الدار
6- مكسرات
7- فنجان فيمتو
و الطريقة كالآتي:
اول شي تخلطون المكونات رقم 2 و 3 و 4
ثاني شي تصفون البسكوت فالبايركس
عقب تحطون شوي فيمتو فوق البسكوت عشان يلين هب تجبعونه واااايد لاااا طشونه بس قطروا
و بعدين بعد تصفون بسكوت فوق البسكوت الاولي
و عقب ما تخلصون من البسكوت و عبالته
حطو الخلطه اللي سويتوها
و بعدين قطعوا الهمبا شرايح و صفوه فوق الخلطه
و انثروا المكسرات عليه و حطوه في الثلاجه
و أكلوه بارد يبرد ع الفؤاد زين فالغيظ يمدحووونه
و هاي الصوره آخر شي
لا تتحروني محطتنه فالفرن لا والله بس الهمبا بـــالغ
و السموووحه ع القصور
:
