علاقة نت

لاجيت اقصد على الناس ساعات ...... تفيض من عيني دموع اشتياقه

ماكنت اصدق يوم تطويبي المسافات..بيني وبين اللي خذاني بلباقة

كانت علاقة نت وشاشة ونكات ......ماهي علاقة حب بس يمكن صداقة

كانت علاقة غير عن كل العلاقات..الله واكبر ياهذيك العلاقة

كنت اكره النكات الا انت بالذات...لا شفت نكك يصير فيني استفاقة

واتوه بالشاشة وتوقف بي اوقات...والسيرفس يفداك بنجة ولاقة

ادورك في الرومات والا العرب شات. يمكن عسى القى من ماقويت فراقة

لابطيت عنا شب نار الايميلات..وعيا الماسنجر لا يعتقه اعتقاقة

وعاد لمنه زعل فيه ميزات ... دايم يقدم لي من العتب باقة

صرت افتهم واياه علم الاشارات... وافك رمز حروفه بكل طلاقة

وياما سهرت هناك واياه بساعات ... لحد صبحي مايبين زراقة

بسكات جيته واروح عنه بسكات ...ولا احد اعترف منا وصارت صداقة

كانت علاقة نت وشاشة ونكات ......ماهي علاقة حب بس يمكن صداقة

كانت علاقة غير عن كل العلاقات..الله واكبر ياهذيك العلاقة